點樣面對過去、現在同未來？(下篇 : 未來)

喺前面兩篇文章，我哋理解咗放低「過去」嘅包袱，以及揸緊「現在」嘅主導權，唔好將活在當下變成消極嘅躺平。

今日嚟到呢個系列嘅最後一篇，我哋要直面人類最大嘅焦慮來源 —「未來」，以及總結一套能讓你受用一生嘅「三時三境」心靈安頓法則。

未來：積極計劃，直面無常

未來係焦慮嘅最大來源，其實焦慮就係「用想像力嚟嚇自己」。我哋習慣喺事情發生之前就幫佢貼上「壞事」嘅標籤，搞到自己日日提心吊膽。

健康嘅態度係由「想掌控一切」轉向「對價值觀嘅承諾」。

我哋唔好將未來當成一個死目標，而係將佢當成一個充滿「可能性」嘅遠方。

我哋可以全力去計劃、準備未來，但同時為未來留一個空間。

未來唔係一個要控制嘅結果，而係一個需要保持開放嘅可能性，

俾未來發生，並坦然接受結果。

例如：「我計劃下個月去旅行」，但心入面要留返一個位俾未來：「如果冇意外發生嘅話」。

咁樣我哋就可以喺現在全力以赴去準備，同時接納最終結果，

因為結果好大程度上唔受我哋完全控制，

例如 : 想訂的酒店已滿、最平嘅機票亦冇曬、同行嘅朋友意見多多、大家未能妥協等等。

當你承諾嘅係你嘅「做人原則」（例如正直、誠信）而唔係特定嘅「結果」，焦慮就會被「有意義嘅行動」所取代。

我哋為最壞嘅打算做好準備，但唔會執著於一定要得到某個結果。

心靈嘅平靜：「三時三境」（Three-Time, Three-State Model）

真正嘅內心平靜，即係所謂嘅「心靈安頓（Serenity in Mind and Soul)，

你可以運用「三時三境」嘅態度達到：

1. 過去： 「件事已經發生咗，我接納佢。」 (Acceptance)

2. 現在： 「呢刻我做好我嘅本份。」 (Agency)

3. 未來： 「盡力而為，不執結果」(Committed but Detached)

如果「過去」太重，人會停滯不前；

如果「未來」太重，人會活得好焦慮。

唯有分清楚呢三個區域，你先可以清清楚楚咁，企喺自己生命嘅中心點。

人嘅痛苦，往往係因為用錯咗態度，去面對過去、現在同未來。

過去不可改，唯有接納；

現在可作為，必須盡力；

未來不可控，學會超脫。

當你能夠清清楚楚咁分開呢三個區域，

你就唔會再陷入不必要嘅內耗，

而係能夠穩穩地企喺自己生命嘅中心點。

三時三境，唔係一次讀完就能掌握嘅。

或者，值得每隔一段時間，返嚟重讀一次。 

[本系列完結。歡迎重溫：] 

👉 [(上篇 : 過去)：學習放下與徹底接納] 

👉 [(中篇 : 現在)：拿回生活嘅主導權]