哲學輔導？我冇病喎！

聽到「輔導」，好自然會有人諗：我又冇精神問題，點解要搵人傾？係咪一定要「出咗事」先至需要？

其實，大部分人嚟做哲學輔導，唔係因為病咗，而係因為人生變咗。原本一直沿用嘅思考方式同價值觀，已經無法充分回應而家嘅現實。關係、工作、退休、未來、失去……當處境改變，而理解處境嘅方式冇跟住轉，內心就會產生一種難以言說嘅不安。

哲學輔導並唔係治療，亦唔係要修正你。佢唔提供教條式建議，而係透過理性而真誠嘅對話，同你一齊檢視嗰啲「理所當然」嘅人生想像，探索係咪仲有其他可能。面對疾病、離別、不確定嘅未來等無法掌控嘅事情，我哋未必可以改變外在環境，但可以一齊思考：我可以用乜嘢態度去回應？

人生觀唔係諗一次就完成，而係需要喺生活中慢慢實踐。哲學輔導係一段長線嘅思考探索，幫助你逐步建立一套屬於自己、可以持續實踐嘅價值觀同人生觀。即使人生無常，你仍然可以知道自己用乜嘢態度去面對，喺變動之中保持內心嘅安頓。